02.07.2018, 15:00, Mühüm hadisələr

Oxunma sayı: 69

İnstitutun əməkdaşı gənc alimlər üçün elan olunmuş müsabiqədə mükafata layiq görülüb

AMEA prezidentinin 5 aprel 2018-ci il tarixli sərəncamına əsasən, xalqımızın ümummilli lideri Heydər Əliyevin anadan olmasının 95 illiyi münasibətilə akademiyanın gənc alimləri üçün AMEA-nın Rəyasət Heyəti və Azərbaycan Həmkarlar İttifaqları Konfederasiyasının birgə müsabiqəsi elan olunub. Müsabiqənin keçirilməsində əsas məqsəd aktual və müasir elmi problemlərin həlli ilə bağlı tədqiqatlar aparan gənc alimlərin fəaliyyətini stimullaşdırmaq və onlara əlavə yaradıcılıq imkanları yaratmaqdır.

İyunun 29-da keçirilən AMEA Rəyasət Heyətinin iclasında ümummilli lider Heydər Əliyevin 95 illik yubileyi münasibətilə gənc alimlər üçün elan olunmuş müsabiqənin qalibləri mükafatlandırılıb. Qaliblərə mükafatları AMEA-nın prezidenti, akademik Akif Əlizadə təqdim edib.

Müsabiqədə Akademiyanın 46 gənc alimi iştirak edib. Müsabiqənin nəticələrinə görə, mükafata 14 gənc alim layiq görülüb. Qaliblər Azərbaycan Həmkarlar İttifaqları Konfederasiyası tərəfindən mükafatlandırılıb.

Müsabiqədə AMEA İnformasiya Texnologiyaları İnstitutunun kiçik elmi işçisi Günay İsgəndərli həvəsləndirici mükafata layiq görülüb.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.